"അവർ ഇന്നത്തെ തലമുറയുടെ 20% മാത്രമായിരിക്കും... പക്ഷെ അവർ നാളെയുടെ 100% ആണ്.... "
കുട്ടികളെ പറ്റി അയാൾ ഘനഗംഭീരമായി ഭാഷണം നടത്തുന്നുണ്ട്..... അയാൾക്ക് അറിവുണ്ടോ ആവോ...
എന്തായാലും പറഞ്ഞത് സത്യമാണ്...
കുട്ടികളും വിഡ്ഢികളും സത്യം പറയും എന്ന് പണ്ട് ആരോ പറഞ്ഞിട്ടുണ്ട്..
പരിപാടി കഴിഞ്ഞു. അയാൾ അയാളുടെ 369 ഫാൻസി നമ്പർ ഉള്ള വെള്ള കാറിനടുത്തേക് നടന്നു.
അതിനിടെ ഒരു കുട്ടി അയാളിൽ നിന്ന് സ്വഹസ്ത ലിഖിതം വാങ്ങുന്നുണ്ടായിരുന്നു.
കാറിനടുത്ത് എത്തിയപ്പോൾ അയാൾ
അത് ശ്രദ്ധിച്ചു.. കാറിനു പിന്നിൽ ആരോ ഉണ്ട്.. അയാൾ ഒന്ന് നോക്കി.
ഒരു ചേരി ചെക്കൻ, ചെറിയ പയ്യനാണ്. അവൻ നമ്പർ പ്ലേറ്റിൽ കുത്തി വരക്കുന്നു...
അയാളുടെ ഉഗ്രകോപം വദനത്തിൽ ബലിഷ്ഠമായി ....
"എടാ തെമ്മാടി... നിന്നെ ഞാൻ... "
അയാളുടെ സ്വര ഭംഗി അവനെ ഓടി മറക്കാൻ പ്രേരിപ്പിച്ചു..അവൻ ഓടി..
അയാൾ അവനെ പിന്തുടരാൻ ശ്രമിച്ചു..
കഴിഞ്ഞില്ല.
അവൻ വരച്ച വരകളുടെ ആകാര ഭംഗി യെ പറ്റി അയാൾക്ക് ആധി കേറി.. അയാൾ ഓടി ചെന്ന് നോക്കി..
ഒരു നിമിഷം അയാൾ ഒന്ന് പതറി.. അയാൾ ആ കുട്ടി ഓടിയ ഭാഗത്തേക്ക് തിരിഞ്ഞു നോക്കി..
അവൻ അവ്ടെന്നു ഒളിഞ്ഞു നോക്കുന്നുണ്ട്.
ഞാൻ ചെയ്തത് തെറ്റാണോ എന്ന് അറിയാൻ നിറഞ്ഞ നിഷ്കളങ്കതയോടെ.
അയാളുടെ മനസ്താപം ഒരിറ്റു കണ്ണുനീരായി പുറത്തു വന്നു ... കാരണം..
ആ തെമ്മാടി നമ്പർ പ്ലേറ്റിൽ വരച്ചത്
6+3=9 എന്നായിരുന്നു
അല്പജ്ഞാനം ആപത്ത് എന്ന് അറിയാതെ ഇന്നും പല വാഗ്മിത്വങ്ങൾ.
രചന : ജസ്മൽ ജിത്തു
